පමාවී පැමිණි වසන්තය

සුමුදු මුදු සඳ කිරණ

එළියයි වෙනදාට වැඩියෙන් අද

හමන මුදු මද පවන

සුවයයි ගෙනෙන්නේ ගතට

පිපිණු මල් වල සුවඳ

සුවඳයි වෙනදාටත් වැඩිය

කිමද මේ අරුමය 

වසන්තය උදාවීද මගේ ලොවට

පෙර කිසිදා නැති ලෙසට

හැඩ වෙලා මගේ ලොව

මේ නම් වසන්තයමැයි

උදා වූයේ මගෙ ලොවට

වසන්තය ඔබ,

පමා වූවා හොඳටම

එන්නට තිබුනේ

බොහෝ කලකට පෙර

කටුක ගිම්හානය 

රිදෙව්වා මා හොඳටම

එපා  කිසිදා 

හැරයන්නට මගේ ලොව

සොඳුරු වසන්තයේ 

සැනසෙන්නට ඉඩ දෙන්න

පොරොන්දුවක් වෙන්න

හැමදාටම ඔබ මට..

හැමදාමත් මේ ලෙසට 

මගේ ලොව ඉන්නා බවට