අවසන් කවිය

ඔබ නමට ලියවෙන

මෙයයි අවසන් කව

තවත් මේ පන්හිඳෙන්

නොලියවෙයි කවි ඔබ ගැන

මතක  ඇත්නම් ඔබට

පෙර දිනක ඔබ නමට

සෙනෙහසින් පද බැන්ද

පුංචි කවියක අරුමය

අසම්පූර්ණයි තවම
ඔබ නමින් මා ලියූ කවිය
අත් හැර දමන්නට එය
සිත නොනැමෙයි කිසි විට

වෙහෙසයි දැන් සිත හොඳටම

ගලපගන්නට බැහැ

තවත් මේ පද මට...

වෙහෙසුනත් කොයිතරම්

අර්ථයක් දෙනු බැහැ මේ කවියට

නික්මෙන්නට කාලයයි

අතැර හැර ඒ කවිය

නොගැලපෙන පද ගොඩක් මැද

තවත් හරඹයක ඵල කිම

තරහක් නෑ කිසිම

එළිසමය නොවූවාට

මගේ කවියට නුඹ...

මට ලියනු බැරි කවිය
ලියනු ඇත තවකෙකු හෙට

නිමාවයි මෙය

වෙහෙසකර වූ ගමනක

ඉතින් හැර යමි

මට අයිති නැති මගේ කවිය